CUF YATOA PONGEZI BAADA YA UCHAGUZI WA MARUDIO

Naibu Katibu Mkuu Nassor Ahmed Mazurui alipozungumza na waandishi wa habari (picha kutoka Maktaba)

Na Talib Ussi, Zanzibar

CHAMA cha wananchi CUF kimewapongeza wanachama na wale waliowaita wazalendo wa nchi yao ya Zanzibar  kwa kukubali ushauri wa chama hicho wa kususia uchaguzi wa marejeo kiliodai ni Batili.

Kauli ya chama hicho imetolewa na naibu Katibu Mkuu Nassor Ahmed Mazurui alipozungumza na waandishi wa habari leo huko ofisini kwake Vuga Visiwani hapa.

Alisema kukataa  huko kwenda kupiga kura  wameidhihirishia Dunia kwanjia ya amani na ya ustarabu  kuuwa chaguo lao ni Maalim Seif sharif Hamad kuiongoza Zanzibar.

“Kwa mara nyengine tena Wazanzibar wameyathibitisha maamuzi yao ya Kidemokrasia waliyoyafanya  kupitia uchaguzi huru na wa haki wa 25 octoba mwaka jana”, alisema Mazurui.

Alisema kutokana na hilo hawatambui uchaguzi  wa marejeo wala hawatashirikiana wala kuitambua Serikali itakayoundwa kutokana na kile walichokiita matokeo batili.

“Chama chetu sisi kilishaeleza mapema msimamo wetu kwa hiyo hili la kuatoa mchango wowote kwa uchaguzi huu haramu halipo” alisema Mazurui.

Kupitia nafasi hiyo mazurui alivipongeza vyombo vya habari vya nje na ndani kwa kile alichokisema kuonesha hali halisi ilivyokuwa na jinsi gani wanzibar walivyoikataa CCM na watawala waliobaka demokrasia.

“Wazanzibar wameandika  historia nyengine mbele ya macho ya ulimwengu  na kwa mara nyengine Wazanzibar wameshindaa” alieleza Mazurui.

Alisema chama kinajua kwamba wazanzibar wanahamu ya kujua ni hatua gani zinafuata katika kusimamia maamuzi yao ya kidemokrasia waliyoyafanya 25 October  mwaka huu.

“Nina waambia wananchi  kwamba, Chama chao hakijayumba na wala musiwe na ghofu na kinafuatilia haki yao kwa njia za amani na za kidemokrasi na kitakuwa kiinatoa maelezo kwa  kila kinachoendelea” alieleza Mazurui.

Chama cha wananchi CUF hakikushiriki uchaguzi wa marejeo kwa madai kwamba uchaguzi huo ni batili.