PICHA ZINGINE ZA MOTO ULIVYOTEKETEZA BAADHA YA SEHEMU YA MSIKITI WA MTAMBANI

IKIWA ni tofauti ya  siku moja kufanana  kwa tarehe ya janga la moto jana Septemba  12 msikiti  wa  Mtambani uliopo Kinondoni jijini Dar es Saam uliungua kwa mara ya pilia ambapo moto wa kwanza ulizuka Agosti 13 mwaka huu   na kusababisha mtafaruku kwa waumini wake pamoja na waislamu wengine kwa  ujumla.

Msikiti huo ambao kwa mara ya kwanza uliuungua katika ghorofa yake ya juu na kuteketeza  eneo kubwa ambalo hadi sasa bado halijanza kufanyiwa  ukarabati.

Ghafla jana ulizuka moto ambao unasadikika  ulianza saa sita na nusu mchana  jana katika moja ya chumba ambacho wanafunzi wa kidato cha nne  wa kike wamekuwa wakipiga kambi ya kujisomea ikiwa ni katika maandalizi ya kukabiliana na mtiwao wa taifa  utakaofanyika  baadaye mwaka huu.

Akizungumza na waandishi wa habari  katika eneo la msikiti huo Kamanda wa Mkoa wa Kipolisi Kanda ya Kinondoni Camilius Wambura alisema  hadi wanafika eneo la tukio chanzo bado hakijafahamika.

Aidha Wambura   aliongeza kwa kusema kwamba chumba ambacho moto ulianzia ni chumba cha wasichana na magodoro manne yameungua.

“Katika janga la moto uliounguza madarasa  mwezi uliopita Jeshi la Polisi lilinda  timu ambayo ilikuwa ikichunguza chanzo cha moto huo hivyo na sasa timu hiyohiyo itaendele na uchunguzi wake kwa kuunganisha matukio haya mawili” alisema Wambura.

Wakizungumza bila ya kutajwa majina yao kina mama wa msikitini hapo wao walisema  kwamba “ sisi tulikuwa msikitini tunasoma qurani wakati tukivuta muda was ala ya Ijumaa ndipo tuikasikia sauti za moto moto na kuona upande wa wanaume wakikimbia huku na kule kwa taharuki hivyo chanzo hasa cha moto sisi hatukijui.

Licha ya kuwa hili ni tukio la pili la moto kutokea kwenye msikiti wetu ndazi ya siku chache tu huenda ikawa labda ni mwezi tu tangu moto wa awali ulipotokea imani yetu ya dini ya kiislamu inatukataza dhana hivyo wala hatumdhanii mtu yeyote kusababisha moto huu.

“Mwenyeezi mungu  ndiye anaejua  kila kitu hivyo tuna imani kubwa kwamba iko siku atafichua  ukweli wa chanzo ama sababu za  moto huu ila jambo la kushukuru ni kwamba moto huu umetokea muda ambao kila mtu ananguvu za kuuzima hilo ni jambo la kushukuru  kwani laiti kama ungetoea nyakati za usiku hali ingekuwa mbaya” walisema kina mama hao.

Waumini wa msikiti huo walifanikiwa kuuzima moto huo na kusali swala ya Ijumaa kama kawaida.Agosti 13  mwaka huu msikiti wa Mtambani uliungua moto . 

 Wananchi wakiwa nje ya Msikiti wa Mtambani uliopo Kinondoni wakishuhudia tukio la kuungua moto kwa mara ya pili msikiti huo Dar es Salaam jana.

 Waumini wa msikiti huo pamoja na wananchi wakisaidia kuvuta mpira wa maji kwa ajili ya kuzima moto huo.

 Askari wa Kikosi cha Kutuliza Ghasia (FFU), wakiimarisha ulinzi eneo la tukio.

 Askari wa Kikosi cha Uokoaji wakifunga mpira wa maji baada ya kuudhibiti moto huo.

 Wananchi wakiangalia madawati na vyombo vingine vilivyookolewa katika tukio hilo.

 Heka heka za uzimaji moto zikiendelea. (Imeandaliwa na mtandao wa habari za jamii.com-simu namba 0712-727062)

 Waokoaji wakiwa wamebeba zuria wakiingiza ndani ya msikiti huo baada ya kuzimwa  moto.

 Waokoaji wakiwa wamebeba zuria wakiingiza ndani ya msikiti huo baada ya kuzimwa  moto.

Mmoja wa waumini wa msikiti huo akilia  baada ya kutokea kwa ajali hiyo.

picha na Habari na matukio