SUNDAY SHOMARI WA VOA ANYAKUA TUZO MAREKANI

MTANGAZAJI maarufu wa Voice of America (VoA) ambao ni washirika wa Global TV Online, Sunday Shomari ameshinda Tuzo zilizoandaliwa na Next Generation Entertainment (N.G.E) katika kipengele cha Best Talk Show zilizofanyika juzi Sept. Mosi, 2018, katika Ukumbi wa Camelot by Martins – Upper Marlboro Md, nchini Marekani.

Shomari ameshinda kupitia kipindi chake cha Let’s Talk.

“Napenda kuchukua nafasi hii kwa heshima na taadhima kuwashukuru sana watanzania wote mliojitolea kunipigia kura huu ni ushindi wetu sote na kazi kubwa mmeifanya. Mungu awabariki,”amesema Shomari baada ya kupokea tuzo hiyo.

N.G.E ni wadau wakubwa wa burudani wa nchini Nigeria na Cameroon kwa kutambua vipaji mbalimbali vya wanamuziki, TV shows, Radio shows, NGO’s , Promoters, movie/video producers, Directors na Dj’s walioko kwenye diaspora.