TANZIA: RUGE MUTAHABA AFARIKI DUNIA, RAIS MAGUFULI AMLILIA!

Aliyekuwa mkurugenzi wa Vipindi na Uzalishaji wa Clouds Media Group, Ruge Mutahaba.

MKURUGENZI wa Vipindi na Uzalishaji wa Clouds Media Group, Ruge Mutahaba, amefariki dunia jana akiwa anapatiwa matibabu nchini Afrika Kusini.

Taarifa iliyotolewa jana na Kampuni ya Clouds Media Group, ilisomeka hivi: “Tu­nasikitika kutangaza kifo cha mmoja wa waasisi na mku­rugenzi wetu wa vipindi na uzalishaji hapa Clouds Media Group, ndugu Ruge Muta­haba.

“Ruge ametutoka leo (jana) huko Afrika Kusini alikokuwa ameenda kwa ajili ya matiba­bu. Mioyo yetu imejeruhiwa. Tutaendelea kuwapa taarifa zote kuhusiana na msiba huu mzito.”

Daima nitamkumbuka kwa mchango wake mkubwa katika tasnia ya habari, burudani na juhudi za ku­jenga fikra za maendeleo kwa vijana. Poleni wanafamilia, ndugu, jamaa na marafiki. Mungu amweke mahali pema, Amina.”

Mbali na Rais Magufuli, pia wasanii na watu mbalimbali wameonyesha masikitiko yao makubwa juu ya kifo hicho kutokana na Ruge enzi za uhai wake kuwa msaada mkubwa kwa jamii hasa kwa watu wa burudani.

UONGOZI NA WAFANYAKAZI WA GLOBAL GROUP, unaungana na Wanatasnia wengine na Watanzania kwa ujumla katika kuifariji familia ya Mutahaba katika kipindi hiki kigumu cha msiba. Tunatoa pole kwa familia, ndugu, jamaa na marafiki wa marehemu na kumuomba Mwenyezi Mungu ailaze roho ya marehemu mahali pema – Ameen!

GPL