KWA HERI WADAU WASHINGTON,DC

Taswira hii naidaka nikiwa katika ndege ndogo ya American Airways uwanja wa ndege wa Taifa wa Ronald Reagan jijini Washington nikielekea Uwanja wa ndege wa kimataifa wa JFK wa New York kukwaa pipa kubwa la kunirejesha nyumbani Bongo kupitia Dubai. Tumepaa leo saa 12 asubuhi na safari hii ya saa moja hadi New York ni kianzio cha safari nzima ya masaa 19 angani hadi natua Ukonga. 

Napenda kutoa shukurani nyingi kwa Afisa ubalozi wetu wa Washington DC Bw. Suleiman Saleh aliyekuja kunipokea, Balozi Mama Maajar na wafanyakazi wote wa ubalozini kwa kunikarimu. DJ Luke Joe wa Globu dada ya Jamii ya Vijimambo kwa kampani baab'kubwa pamoja na wadau wa Baltimore, Maryland, wakiongozwa na kaka Benja kwa bonge la babekyuu Jumapili. 

Timu ya veterani ya Bongo Real ya Maryland nashukuru kwa kunikaribisha kwa furaha bila kuwasahau wenzangu wa idhaa ya Kiswahili ya Voice of America (VOA) kina Da'Khadija Riyami, Sunday Shomary na Da'Aida Issa kwa kunipokea vyema, pamoja  na wadau wengine wote, ikiwa ni pamoja na Kaka Muganda aliyeacha shughuli zake na kuja kutusalimia hotelini Omni Shoreham. Da'Bupe Mwangota asante kwa kunikumbuka japo kwa simu. Najua boxi lilikuwa taiti kiasi ulikwama kuja kutusabahi.

NASEMA AHSANTENI SANA SANA KWA 

UKARIMU WENU NA MOLA AWAZIDISHIE

-MICHUZI