MTAZAMO WANGU JUU YA ARTICLE YA NINI HATIMA YA JUMUIYA NA VYAMA VINGI

Article ni nzuri na imejikita kwenye kuhakikisha DMV tunakua na umoja na mshikamano. Safi sana na nimeipenda kwa hilo. Baada ya kuisoma na kuitafakari kwa undani nimegundua  inamapungufu kidogo kulingana na mtazamo wangu BINAFSI. Kwanza, inaonekana inapendekeza kuwa mtu akiwa mwanachama wa chama cha siasa asiwe mwanajumuiya. Hili ni kosa, kwani mtu ana haki ya kujiunga na chama chochote na akawa mwanajumuiya. Ni dunia huru na watu wanauhuru wa kupenda watakalo. Kinacho takiwa ni  kutofautisha itikadi za vyama na jumuiya.

Pili, nakukoti "ndugu zangu mlio ingia na huyu shetani ondoeni huu uchuro na TUACHENI na umoja wetu". Kwa hili inaonyesha dhambi ya ubaguzi unayo au inakunyemelea. Nadhani cha msingi ungesisitiza watu wawe na vyama vyao lakini wasichanganye na jumuiya. Ni mbaya kutaka kumtenga mTanzania kwa kuwa yupo CCM, CUF au CHADEMA. Ni sawa na kumtenga muislam au mkrito- au kuleta ukabila. Siamini kamanda umetoa kauli hii. Hawa watu wote wana haki ya kupenda chochote na wana hisia kama ulizo nazo wewe za kuamua kupenda jumuiya tu. Ni dunia huru na wana haki ya kufuata watakalo. Ungesisitizia wajitahidi kutofautisha itikadi za jumuiya na vyama vyao vya siasa na sio kuwashinikiza waache vyama vyao na wajiunge na jumuiya la sivyo, « TUACHIENI JUMUIYA YETU ». Kwa kauli hii, wanaweza kukuachia jumuiya yenu.

Tatu, umetoa mfano wa uchaguzi wa chama flani juzi na inaonekana unachuki na watu flani kwenye hicho chama. Kwa maelezo yako haya kuwa « mkitambulishwa huku mkiinua pua » « pelekeni tamaa zenu huko » »au ondokeni kwenye jumuhiya yetu mara moja ». Haya ni maneno yasio ashiria amani na ni ya ubaguzi. Nakushauri ungetumia chaguo la maneno bora zaidi. Haya ni maneno makali na hayawezi kujenga bali kuzidisha chuki. Sishangai umekuja ANONYMOUS. Jitahidi kuja na identity yako muda mwingine ili message iwe na nguvu. Hii itaonyesha unaongea unacho simamia. Talk the talk, walk the walk.

Nne, umeonglea kuwa, miaka minne iliyo pita umekuwa ukikutana na watu kweye jumuhiya na matukio ya kiTanzania wanakuuliza wewe ni chama gani na kama unataka kadi. Nadhani hii ni kwa watu wale wanao kuwa wamepata uongozi na hawana sifa ya kuongoza. Moja ya sifa ya kiongozi ni kuunganisha watu na kuweza kutofautisha kati ya siasa na mambo ya kijamii/jumuhiya. Ni wewe binafsi unaweza kemea hili kama upo kwenye shughuri ya kijamii/jumuhiya na mtu analeta siasa unaweza kemea na tabia ika koma. Kwa kupata jibu la swali lako ulilo uliza, waulize hao wanao taka kuuza itikadi za vyama vyao kwenye sherehe za kijamii.

Swala la kiongozi kutaka kuongoza jumuhiya na chama cha siasa, kwa mtazamo wangu, kama anabusara ya kutenganisha mambo ya itikadi na jumuhiya hakuta kuwa na tatizo. Tatizo litatokea iwapo ataingiza maswala ya itikadi ya chama chake kwenye jumuiya. Pia baba  wa taifa alipo sema waogopeni kama  ukoma, hakuzungumzia watu wanao taka madaraka mawili (Kumbuka : yeye alikuwa mwenyekiti wa chama na Raisi), bali wanao kimbilia ikulu. Refer hotuba yake Mbeya mwanzoni mwa miaka ya 90 nadhani 93.

Mwisho umeongelea swala zuri sana la kudumisha amani na umoja. Inavyo onekana wewe ni kiongozi wa jumuiya au mwanachama hai wa jumuiya ya DMV. Ninge kushauri utumie uanachama wako wa jumuiya kuishinikiza jumuiya kutoa TAMKO na sauti MOJA kukemea ukiukwaji wa haki za binadamu zinazo tokea nyumbani. Isiwe jumuiya kwa ajili ya kuzikana na sherehe tu. Hili swala si la chama cha siasa. Tunaona mengi yanatokea nyumbani, waandishi kutekwan na kuteswa, watu kupigwa risasi hazarani, mauaji ya mashekhe na mapadri. Kwa kifupi watu wananyang’anywa haki yao ya kimsingi, HAKI YA KUISHI. Natoa challenge kwa jumuiya, tuunganisheni na toeni tamko juu ya ukiukwaji wa haki unao endelea Tanzania. Jumuiya isiwe kwa ajili ya kuzikana na sherehe tu.

Addendum ; Nakili kuwa kumekuwa na mtafauruku kati ya waTanzania waishio DMV tokea mambo ya jumuiya na vyama vya siasa kushika kasi maaeneo haya. Lakini baada ya kufanya uchunguzi kidogo nikakundua sintofahamu hii inasababishwa na watu ambao wanafuata mkumbo na hawajui wanacho taka. Hawa watu hufuata watu au upepo na sio itikadi za vyama. USHAURI ; FUATA MISINGI NA KANUNI ZA CHAMA NA SIO WATU.

Liberatus Mwangombe

Twitter @bagasa80

DMV.