Banka kuongeza mkataba Bandari

Mohammed Banka.

Na Khadija Mngwai

KIUNGO wa zamani wa Simba, Mohammed Banka, ambaye kwa sasa anaitumikia timu ya Bandari ya Kenya, amesema kuwa yupo mbioni kuongeza mkataba mpya klabuni hapo.

Banka anatarajia kumaliza mkataba wake na klabu hiyo mwishoni mwa Ligi Kuu ya Kenya Julai, mwaka huu.

Akizungumza na Championi Jumatatu, Banka alisema anatarajia kufanya mazungumzo na uongozi wake huo mara baada ya kumaliza mkataba.

“Nipo mbioni kuongeza mkataba mpya na timu yangu ya Bandari mara baada ya kumaliza msimu huu kwa lengo la kuitumikia timu hiyo katika msimu mwingine.

“Kwa kawaida huwa nasajili miezi sita-sita na ikiisha ndipo naingia mkataba mwingine,” alisema Banka.

GPL