ETO'O ATIA SAINI CHELSEA FC

Jembe la nguvu: Eto’o amesaini Chelsea leo 

Kalamu kwenye karatasi: Eto’o amesaini mkataba mbele ya katibu na mkurugenzi wa Chelsea  David Barnard 

Nimefurahi kuwepo hapa: Eto’o amesaini kwa uhamisho wa bure na amesema amefurahi kuwepo darajani

 

Na Baraka Mpenja kwa msaada wa Sportsmail.com
KLABU ya Chelsea imethibitisha kumsajili bure mshambuliaji raia wa Cameroon, Samuel Eto’o .

Nyota huyo mwenye umri wa miaka 32- inafahamika kuwa amesaini mkataba wa mwaka mmoja kwa dau la pauni milioni 7 , japokuwa atapunguziwa mshahara wake kwani mpaka sasa ndiye alikuwa mchezaji anayelipwa pesa nyingi zaidi duniani, dau la pauni milioni 17 kwa mwaka katika klabu ya Anzhi Makhachkala.

Kocha wa Chelsea, Jose Mourinho amekata tamaa kumshawishi mshambuliaji wa Manchester United, Wayne Mark Rooney baada ya ofa zake kutupiliwa mbali na David Moyes, na sasa amegeukia mpango B ambapo amelinasa jembe hilo la Kiafrika.

Mourinho na Eto’o wamekutana tena kwani walishawahi kufanya kazi pamoja katika klabu ya Inter Milan na kutwaa kombe la ligi ya mabingwa barani Ulaya.