TAARIFA YA JESHI LA POLISI MKOA WA MBEYA KWA VYOMBO VYA HABARI

MTU MMOJA AUAWA KWA KUKATWA PANGA KICHWANI WILAYANI CHUNYA.

MTU MMOJA ALIYEFAHAMIKA KWA JINA LA WILLIAM HENARD (48) MKAZI WA MAGOGO ALIUAWA KWA KUKATWA PANGA KICHWANI NA MBOZYO SAMSON (40) MKAZI WA MAGOGO. TUKIO HILI LILITOKEA MNAMO TAREHE 22.02.2014 MAJIRA YA SAA 23:30HRS USIKU HUKO KATIKA KITONGOJI CHA MAGOGO KIJIJI CHA ILEYA, KATA YA IFWENKENYA TARAFA YA SONGWE WILAYA YA CHUNYA. CHANZO CHA MAUAJI NI WIVU WA KIMAPENZI KUMGOMBEA REGINA CHARLES (39) MKAZI WA MAGOGO. MTUHUMIWA AMEKAMATWA NA TARATIBU ZA KISHERIA
ZINAENDELEA DHIDI YAKE.

 KAIMU KAMANDA WA POLISI MKOA WA MBEYA KAMISHINA MSAIDIZI WA POLISI ROBERT MAYALA ANATOA WITO KWA JAMII KUTATUA MIGOGORO YAO YA KIMAPENZI KWA NJIA YA KUKAA MEZA YA MAZUNGUMZO. AIDHA ANATOA WITO KWA WAPENZI KUWA WAAMINIFU KWA KUWA NA MPENZI MMOJA ILI KUEPUKA MADHARA YANAYOWEZA KUEPUKIKA.

MWENDESHA PIKIPIKI AFARIKI DUNIA BAADA YA KUGOGWA NA GARI.

MWENDESHA PIKIPIKI ALIYEFAHAMIKA KWA JINA LA DANKEN MWAMPASHI (42) MKAZI WA OLD VWAWA ALIFARIKI DUNIA BAADA YA KUGOGWA NA GARI LENYE NAMBA ZA USAJILI IT 6860 AINA YA TOYOTA COROLA LILILOKUWA LIKIENDESHWA NA MUULU MUULU (37) RAIA NA MKAZI WA NDOLA NCHINI ZAMBIA. TUKIO HILO LILITOKEA MNAMO TAREHE 23.02.2014 MAJIRA YA SAA 09:00HRS ASUBUHI KATIKA BARABARA YA MBEYA/TUNDUMA KIJIJI CHA HANSEKETWA, KATA YA VWAWA, TARAFA YA VWAWA WILAYA YA MBOZI. CHANZO CHA AJALI NI MWENDO KASI WA MPANDA PIKIPIKI BAADA YA KUINGIA BARABARA KUU BILA KUCHUKUA TAHADHALI. 

 

 MWILI WA MAREHEMU UMEHIFADHIWA KATIKA HOSPITALI YA SERIKALI YA WILAYA YA MBOZI. DEREVA AMEKAMATWA. KAIMU KAMANDA WA POLISI MKOA WA MBEYA KAMISHINA MSAIDIZI WA POLISI ROBERT MAYALA ANATOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUFUATA/KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA WITO KWA WATUMIAJI WENGINE WA BARABARA KUZINGATIA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA.

MTEMBEA KWA MIGUU AFARIKI DUNIA KATIKA AJALI YA BARABARANI.

 

MTEMBEA KWA MIGUU ALIYEFAHAMIKA KWA JINA LA BILE MWAZEMBE (22) MKAZI WA MBIMBA ALIFARIKI DUNIA BAADA YA KUGOGWA NA GARI LENYE NAMBA ZA USAJILI IT 7020 AINA YA TOYOTA VISTA LILILOKUWA LIKIENDESHWA NA EDMORE DEOGRAS (22) RAIA NA MKAZI WA NCHINI ZIMBABWE. TUKIO HILO LILITOKEA MNAMO TAREHE 23.02.2014 MAJIRA YA SAA 11:00HRS ASUBUHI KATIKA BARABARA YA MBEYA/TUNDUMA KATIKA KIJIJI CHA MBIMBA, KATA NA TARAFA YA VWAWA, WILAYA YA MBOZI. CHANZO CHA AJALI MWENDO KASI. 

 

 DEREVA AMEKAMATWA, MWILI WA MAREHEMU UMEHIFADHIWA KATIKA HOSPITALI YA SERIKALI YA WILAYA YA MBOZI. KAIMU KAMANDA WA POLISI MKOA WA MBEYA KAMISHINA MSAIDIZI WA POLISI ROBERT MAYALA ANATOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUFUATA/KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA WITO KWA WATEMBEA KWA MIGUU KUTEMBEA PEMBEZONI MWA BARABARA NA KUVUKA KATIKA VIVUKO [ZEBRA CROSSING] ILI KUEPUKA AJALI.

 

Signed by:

 

[ROBERT MAYALA – ACP]

 

KAIMU KAMANDA WA POLISI MKOA WA MBEYA.