DAVID VILLA AINGIA KWENYE REKODI YA KUWA MCHEZAJI WA KWANZA MKUBWA KUSAJILIWA NA NEW YORK FC

 Wa kwanza kati ya wengi… New York FC aliweka picha ya David Villa kwenye akaunti yake ya Twita akiwa ameshika jezi ya timu yao

 Kwaheri: David Villa amewaaga  Atletico Madri.

KLABU ya New York City FC imekamilisha usajili wa mshambuliaji wa kimataifa wa Hispania, David Villa kwa mkataba wa miaka mitatu.

 Klabu hiyo kubwa  inayomilikiwa  na  Manchester City na  New York Yankees, imethibitisha katika mtandao wake wa Twita kuwa nyota huyo mwenye miaka 32 ni mchezaji wao mkubwa wa kwanza kumsajili.

Klabu ilitweet: “Karibu  New York City: David Villa (@Guaje7Villa) rasmi amesaini kama mchezaji wa kwanza mkubwa kusajiliwa na £NYCFC. £VillatoNYCFC.’

Villa anakwenda Marekani baada ya kuwasaidia Atletico Madrid kushinda taji lake la kwanza tangu mwaka 1996 na kufika fainali ya UEFA ambapo walipoteza dhidi ya Real Madrid.

Nyota huyo alijiunga na Atletico majira ya kiangazi mwaka 2013 baada ya kucheza misimu mitatu ya mafanikio katika klabu ya Barcelona, wakati huo huo aliwahi kuzichezea  Valencia, Real Zaragoza and Sporting Gijon.