UFISADI MSITU WA HALMASHAURI YA KILOLO, MAGOGO YENYE THAMANI YA ZAIDI YA SH MILIONI 100 YADAIWA KUVUNWA

Godfrey Mwita, Afisa Misitu wa wilaya ya Kilolo

UFISADI mkubwa umeripotiwa kutokea katika msitu wa halmashauri ya wilaya ya Kilolo, mkoani Iringa.

Baadhi ya watumishi wa halmashauri hiyo (majina yao yanahifadhiwa kwasasa) wanatuhumiwa kuhusika na ufisadi huo.

Taarifa za uhakika na ambazo zimethibitishwa na baadhi ya maafisa wa halmashauri hiyo (siyo wasemaji) zinaonesha kwamba watumishi hao wanahusika na uvunaji wa magogo bila idhini ya halmashauri yenyewe katika msitu huo.

Magogo yaliyovunwa kwa mujibu wa mmoja kati ya wanyetishaji wetu zinaonesha kwamba yana thamani ya zaidi ya Sh Milioni moja. Mbao na mabanzi ni baadhi ya bidhaa zilizotokana na magogo hayo baada ya kuvunwa.

Jitihada za kumpata Mkurugenzi Mtendaji wa Halmashauri hiyo, Rukia Muwango hazikuzaa matunda na taarifa kutoka kwa mmmoja wa wasaidizi wake inaeleza kwamba yuko nje ya nchi kwa matibabu.

Alipotafutwa Afisa Misitu wa Halmashauri hiyo, Godfrey Mwita angalau azungumzie taarifa hiyo hakupatikana pia na mpaka tunachapisha taarifa hii simu zake za mkononi hazikuweza kupatikana.

Mtandao huu unaendelea na uchunguzi wa taarifa hii na tayari ina jina la mtumishi mmoja anayehusishwa na tuhuma hiyo.

Mara uchunguzi huu utakapokamilika, taarifa hii tutaiweka hewani, endelea kutembelea blog hii

 Frank Leonard