MTANZANIA ATANGAZA NIA YA KUINUNUA TIMU YA LIVERPOL

Mkurugernzi wa Kampuni ya Texc General Supplies Tanzania Ltd Bw. Suleiman M.Nassor.

Mkurugernzi wa Kampuni ya Texc General Supplies Tanzania Ltd Bw. Suleiman M.Nassor akizungumza na waandishi wa habari kwenye ofisi zake zilizopo Kinondoni jijini Dar es salaam wakati alipotangaza nia ya familia yake iliyopo Tanzania, Oman na Dubai kuinunua timu ya Liverpool inayoshiriki ligi kuu ya Uingereza.

Alisema kwa sasa wamewasiliana na Benki mbalimbali wanazofanya nazo kazi na kuzieleza nia yao ya kununua timu hiyo, aliongeza kuwa hivi sasa ndugu zake wako nchini Uingereza ili kufuatilia utaratibu wa kununua timu hiyo na kujua mikataba itakuwaje ili waweze kutangaza dau lao.

Pia aliongeza kwamba, huko Uingereza kuna mtoto wake anayeitwa Fahad Suleiman Masoud ambaye anachezea kwenye Academy ya Liverpool ambaye pia amechangia kwa kiasi kikubwa kushawishi familia hiyo kuingia kwenye kinyang'anyiro cha kuwania kununua timu hiyo.

Alidai wamejiandaa kikamilifu kwa ajili ya kuinunua timu hiyo endapo kila kitu kitakwenda sawa katika taratibu za ununuaji, ni heri kununua timu za Ulaya kuliko kununua hapa nyumbani kwakuwa wazungu wenzetu wako mbali sana katika kuzingatia mikataba na kuiheshimu pia, tofauti na hapa nyumbani watu wanapenda malumbano tu. 

CHANZO: FULLSHANGWE BLOG