Katika makala yake itakayochapishwa kwa ukamilifu katika gazeti hili kesho, Profesa Lipumba alisema Rais Magufuli amejipambanua kuwa kiongozi anayeguswa na matatizo ya wanyonge, hapendi makuu, anahimiza ukusanyaji wa mapato ya Serikali na matumizi mazuri ya fedha za umma.
“...Hata hivyo, Watanzania hawajui mshahara wake ni kiasi gani?” alihoji Profesa Lipumba.
Profesa huyo aliyejikita katika masuala ya uchumi, alirejea mijadala mbalimbali iliyowahi kuibuliwa kuhusu mshahara wa Rais, ikiwamo ule uliyowahi kuibuliwa mwaka 2013 na Zitto Kabwe, wakati huo akiwa Naibu Katibu Mkuu wa Chadema kuwa Rais analipwa Sh32 milioni kwa mwezi.
Pia alirejea taarifa iliyochapishwa na Mwananchi, Julai 27, 2015, iliyoandikwa kutoka katika mtandao wa African Review kuwa Rais mstaafu Jakaya Kikwete ni wa nne miongoni mwa marais wa Afrika kwa kupata mshahara mkubwa wa dola za Marekani 192,000 kwa mwaka sawa na dola 16,000 kwa mwezi, ambayo ni sawa na Sh32 milioni kwa mwezi. Hadi jana jioni, dola moja ya Marekani ilikuwa sawa na Sh2,187.
“Taarifa ya Ikulu ilikanusha vikali habari zilizochapishwa na Mwananchi. Ikulu ilieleza kuwa habari hizo siyo za kweli. Hata hivyo, haikueleza mshahara wa Rais na marupurupu yake ni kiasi gani?
Pia, katika mjadala wa mshahara wa Rais, Naibu Spika wa Bunge lililopita ambaye ndiye Spika wa sasa, Job Ndugai alinukuliwa akieleza kuwa mshahara wa mtu ni siri yake. Waziri wa Nchi Katika Ofisi ya Rais, Menejimenti ya utumishi wa Umma wa wakati huo, Celina Kombani (kwa sasa ni marehemu) alisema kuwa ni kosa kutangaza mshahara wa Rais.
“…Kwa hivi sasa Rais Magufuli atangaze mshahara na marupurupu yake na kama mapato yake ni Sh32 milioni kwa mwezi, basi ajitolee alau nusu ya mapato hayo kuchangia elimu na afya ya wanyonge. Hatua hii itaimarisha taswira inayojengeka barani Afrika kuwa yeye ni Rais wa wanyonge,” ameandika Lipumba.
Wakati akizungumza na wazee wa Dar es Salaam wiki iliyopita, Rais Magufuli aliwataka mawaziri, naibu mawaziri na makatibu wakuu wachangie Sh1 milioni katika mishahara yao kuchangia elimu.
Pia Rais alieleza kuwa yeye mwenyewe, makamu wake na waziri mkuu watachangia Sh6 milioni kila mmoja, ili zifike Sh100 milioni kusaidia changamoto za elimu bure Mkoa wa Dar es Salaam.
Kutokana na tangazo hilo, Profesa Lipumba alisema, “Ikiwa Sh6 milioni zitakatwa katika mshahara wake wa mwezi mmoja ni wazi mshahara wake na ule wa makamu wake na waziri mkuu ni zaidi ya Sh6 milioni kwa mwezi.
“Mishahara na marupurupu ya viongozi wa Tanzania hayako wazi. Watanzania hawajui kila mwezi Rais, Makamu wa Rais na viongozi wakuu wa Serikali wanalipwa kiasi gani? Malipo ya wabunge pia hayako wazi?” alihoji.
Profesa Lipumba ambaye amewahi kuwa msaidizi wa Rais katika masuala ya uchumi kati ya mwaka 1991 na 1993, alisema kwa kuwa Rais Magufuli amejivisha joho la kuwa Rais wa wanyonge, anawajibika kuwaeleza Watanzania mshahara na marupurupu yake.
“Ikiwa mshahara ni mkubwa sana achukue hatua za kuupunguza kama alivyofanya Mwalimu Nyerere mwaka 1965.”
Hata hivyo, alisema kifungu cha Katiba cha 43 (2) kinaeleza kuwa mshahara na malipo mengineyo yote ya Rais havitapunguzwa wakati Rais atakapokuwa bado ameshika madaraka yake kwa mujibu wa masharti ya Katiba.
Profesa Lipumba alisema Rais Magufuli akitaka kupunguza mshahara wake itabidi kwanza abadilishe kifungu hicho cha Katiba.
“Anaweza kujitolea mchango wa kudumu utakaokatwa kutoka kwenye mshahara wake kusaidia sekta ya afya au elimu,”alisema.
Profesa Lipumba ambaye ni mshauri wa Benki ya Dunia (WB) na Benki Kuu ya Tanzania (BoT) katika masuala ya uchumi, alisema ili kuimarisha utawala bora ni muhimu uongozi ulio madarakani utumie mamlaka waliopewa kwa manufaa ya Taifa.
“Mishahara na marupurupu ya viongozi yawe wazi na yaamuliwe na kupangwa na taasisi iliyo huru. Kuweka utaratibu ulio wazi wa kuamua mishahara na marupurupu ya viongozi wa umma wakiwamo Rais na makamu wake, mawaziri, wabunge, majaji, makatibu wakuu na viongozi wengine,”alisema.
Alisema ni muhimu katika ujenzi wa utawala bora, uwajibikaji na uwazi wa viongozi wa umma kwa wananchi wanao waongoza.
“ Inasemekana mshahara wa mbunge katika Bunge lililopita ulikuwa Sh3.4 milioni kila mwezi. Pia mbunge alilipwa Sh8.2 milioni, nyingine kama posho ya jimbo, gharama za ofisi, mafuta, malipo ya wasaidizi wake na dereva.
“Vile Vile, mbunge anapohudhuria kikao cha Bunge alilipwa posho ya Sh80,000 za kujikimu, Sh50,000 za mafuta ya gari na Sh200,00 za kuhudhuria kikao cha Bunge, jumla ni Sh330,000 kwa siku.
“Posho ya siku moja ya mbunge ni zaidi ya mara mbili ya kima cha chini cha mshahara wa Serikali kwa mwezi mzima ambacho ni Sh150,000. Mishahara inakatwa kodi, marupurupu hayakatwi kodi,”alisema.
MWANANCHI
6 comments:
Atangaze mshahara wake ili iweje na itakusaidia nini?Lipumba have a sit PLEASE
Bwana Lipumba,
hakuna anayekuuliza unalipwa ngapi kwa ushauri wako kwa World Bank na BOT? Kabla hujaanza kuwakosoa wenzio na kuandika magazetini, kwa nini wewe usiweke hadharani marupurupu unayoyapata? Rais amechaguliwa na Wananchi, na sisi hatuna kinyongo kama analipwa vizuri kwa sababu anatufanyia kazi njema. Wewe mwenye bifu na viongozi waliochaguliwa na wananchi, basi nawe jaribu kuomba kura zetu, kama tutakuchagua na kutufanyia kazi nzuri utalipwa mshahara mnono. Kwa sasa funga domo lako Profesa.
baba unatuonea huruma wanao kila siku tunavyolala njaa, lakini hatujui siba yako baba, au unalala njaa kama sisi wanao?
baba unatuonea huruma wanao kila siku tunavyolala njaa, lakini hatujui siba yako baba, au unalala njaa kama sisi wanao?
Kwa kiasi chochote cha mshahara atakachokuwa analipwa muheshimiwa Maghufuli kwa sasa inabidi aongezewe kutokana na kazi bora anayoendelea kuifanya, kwani kama atakuwa analipwa mshara sawa na kikwete basi tutakuwa hatumtendei haki magufuli. Kwa kipindi kifupi kwa kushirikiana na serikali yake Magufuli amefanya makubwa na kuokoa mabilioni ya fedha za watanzania sidhani kama kuna kiwango halisi cha mshahara watanzania wanaweza kumlipa muheshimiwa Maghufuli kinacholingana thamani ya kazi anayowafanyia watanzania. Kitu kimoja watanzania tunachojivunia kwa raisi wetu ni uzalendo iliotukuka aliokuwa nao na mara kadhaa tumeshuhudia tukimsikia kutaka mshahara wake utumike ili uwasaidie watanzania wengine wenye matatizo. Kwa hivyo utaona suala la kwamba kiasi gani cha mshahara muheshimiwa raisi analipwa kwa sasa sio ishu bali ishu ni nini muheshimiwa raisi anafanya katika kutekeleza wajibu wake. Kwa upande wa Lipumba kuhoji mshahara wa raisi ni haki yake ya msingi hasa kutokana na neema ya nchi yetu ya kuheshimu uhuru wa mtu kutoa maoni yake bila ya kubuguziwa. Lakini cha msingi ndugu Lipumba atakuwa mkosefu wa fadhila kwa kutompongeza muheshimiwa raisi na serikali yake kwa kuheshimu uhuru wa wananchi wake kujieleza, uhuru ambao umempatia yeye ndugu Lipumba kuthubutu kuhoji kiwango cha mshahara wa raisi bila hofu yeyote kwa kweli Tanzania yetu imepiga hatua kubwa ya kidemokrasia. Kumbuka lipumba si mbunge wala hana nyazifa yeyote katika chama chochote cha siasa au serikali ni mtanzania wa kawaida kama watanzania wengine na nnaimani muheshimiwa raisi amemsikia ila ingekuwa vizuri kwa ndugu Lipumba kutufamisha watanzania yakwamba tangu muheshimiwa raisi aanze kutumbua majipu yeye Lipumba ametowa mchango gani kwa muheshimiwa raisi kuhakikisha tunakuwa na nchi ya mfano barani Africa kama ambavyo muheshimiwa raisi anavyopigania kwa nguvu zake zote?
Na kwanini ahoji sasa? Mshara wa Raisi. Angemuhojo mkapa na kikwete kwanza waliomtangulia na wala walikuwa sio wachapa kazi bali kutunisha mifuko yao. Hao ajawahoji anakuja muhoji raisi mwenye maadili. Watu tuna Imani naye. Kama wale manabii så enzi
Post a Comment