Watoto wanaweza kutufundisha kuienzi amani-Manongi

Nembo ya Asasi isiyo ya kiserikali ya CITYarts inayojishughulisha na kueneza amani kupitia sanaa ya uchoraji unaofanywa na watoto kutoka mataifa mbalimbali duniani

 Na Mwandishi Maalum

Imeelezwa kwamba  ujumbe wa amani unaweza kuenezwa kwa njia nyepesi na rahisi   kama ile ya kuwatumia vijana na watoto kutumia vipaji vyao kuchora michoro inayobeba ujumbe unaosisitiza  umuhimu wa  amani duniani.

 Hayo yameelezwa na Tuvako Manongi,  Balozi wa Tanzania katika Umoja wa Mataifa, wakati wa hafla fupi ya maadhimisho ya miaka mitano ya  “Jioni ya  Amani”, ambapo  Asasi isiyo ya kiserikali  ijulikanayo kama CITYarts Pieces for Peace ilionesha  kwa wageni waalikwa michoro mbalimbali iliyochorwa na watoto kutoka nchi 62 zikiwamo za Afrika.

 Madhumuhi ya hafla hiyo ambayo  Ubalozi ulikuwa mwenyeji yalilenga katika kuonesha ni kwa namna gani watoto wanavyoweza kuhuburi  na kuienzi amani kupitia sanaa  ya uchoraji na kwa njia  hiyo pia kukuza vipaji  vyao.

Kwa maelezo na picha zaidi bofya read more

CITYarts Pieces for Peace ambayo makao yake yako  New York, imekuwa ikitembelea nchi mbalimbali, na kuwahamasisha watoto na vijana kuchora iwe kwenye makaratasi, mabango au hata kuta kwa lengo moja  tu la kueneza   ujumbe wa amani.

Balozi  Manongi amewashukuru waandaaji wa hafla hiyo kwa kubuni wazo hilo jema  la kuwahamasisha   watoto  kutumia vipaji vyao vya uchoraji kuhubiri amani hasa kwa kuzingatia kwamba mara nyingi mawazo wanayotoa watoto yanakuwa hayajachakachuliwa.

Naye  Mkurugenzi wa CITYartsPieces for Peace, Bi Tsip Ben-Haim pamoja na    kuushukuru  Ubalozi wa Tanzania kukubali kuwa mwenyeji wa hafla hiyo, amesisitiza  haja na umuhimu kwa jumuia ya kimataifa kuienzi amani kwa  hali na mali.

Akasema kwamba uamuzi wa Asasi yake  wa kuanzisha  program hiyo ya kuwashirikisha watoto  kupitia sanaa  kueneza ujumbe wa amani, imekuwa na mafanikio sana na kwamba  program hiyo imesambaa  katika nchi nyingi.

Michoro wanayochora watoto na vijana hukusanywa na kuwekwa katika mabango ambayo waandaaji wa michoro hiyo  husafiri nayo kila nchi wanayokwenda  na kuionesha kwa watu wengine na kwa namna hiyo kueneza ujumbe wa amani kutoka  taifa moja hadi taifa jingine. 

Baadhi ya Michoro hiyo ambayo watoto kutoka nchi mbalimbali wamechora kama mchango wao katika kueneza ujumbe wa amani

Ujumbe wa amani katika michoro

wageni waalikwa wakisoma ujumbe wa amani

watoto hawa Linda, Maria, Stephen na Alex nao walipata fursa ya kutoa ujumbe wao wa amani kwa njia ya michoro, michoro hapa wapo bize kila mmoja akichora ujumbe wake alioubuni mwenyewe. 

Stephen, Maria na Linda wakiwaonyesha wageni waalikwa ujumbe ambao kila mmoja ameuchora, michoro yao hiyo baadaye itaunganishwa na ya watoto wengine.

Na utamduni wetu ulikuwapo, watanzania hawa, Eri Fungo na Amiri Koba hawakuwa nyuma kurindimisha midundo iliyosherehekesha hafala hiyo

Mkurugenzi Mtendaji wa CITYart akielezea madhumuni ya hafla hiyo na kubwa zaidi ushirikishwaji wa watoto katika kueneza ujumbe wa amani

wageni waalikwa wakipata kitu kidogo walichangamkia sana Maandazi

Balozi Tuvako Manongi akiwashukuru waandaji wa hafla hiyo pamoja na wageni waliofika, katika mazungumzo yake mafupi, Balozi alisititiza kwamba watoto na ambao mawazo yao hayajachakachuliwa.

Sehemu ya wageni waalikwa